Atyraýlyqtar Janar-jaǵarmaı stansalarynan benzın tappaı júr
ATYRAÝ. QazAqparat - Atyraý oblysynda benzın qymbattap qana qoımaı, janar-jaǵarmaı quıý stansalarynda onyń tapshylyǵy baıqala bastady, dep habarlaıdy QazAqparat.
«Keshe Atyraý-Astrahan tasjolynyń boıynda AI-92 de, AI-95 te bolǵan joq. Isataı aýdanyndaǵy Aqqystaý aýylyndaǵy Janar-jaǵarmaı quıý stansasy da jumys istemedi. RF-men shekaralas Qurmanǵazy aýdanynda da benzındi tappadyq. Mashınamyz gazben jumys isteı alatyny jaqsy boldy. Ganıýshkıno aýylynda gaz toltyryp aldyq, áıteýir otynnyń bul túri satylymda bar eken», - dep habarlady «Prıkaspııskaıa komýnna» oblystyq gazetiniń bas redaktory Násip Shalabaeva.
Áleýmettik jeli qoldanýshylary benzın tapshylyǵy Maqat aýdanynda da bolyp jatqanyn jazýda - AI-92 men AI-95-ti «QazMunaıGazdyń» janar-jaǵarmaı stansalarynan ǵana quıyp alýǵa bolady. Atyraýda benzın «Gelıostan» basqa barlyq JJQS stansalarynda bar.
Eske salaıyq, ótken aptada Atyraýda suıyq otyn baǵasy 2-3 teńgege qymbattady - AI-92 - 144 teńgege deıin, AI-95 - 155 teńgege deıin.
Otyn tapshylyǵy sebepteriniń biri - Atyraý munaı óńdeý zaýytynyń 20 kúnnen artyq kúrdeli jóndeý jumystaryna jabyq bolýy. Búgingi kúni zaýyt óndirisin jalǵastyrýda.
