Atyraýlyqtar Ulttyq lıgada kósh bastap kele jatqan almatylyq voleıbolshy jigitterden aqtyq týrda 3 upaı oljalady
ALMATY. 11 sáýir. QazAqparat - Búgin Hromtaýda voleıboldan Ulttyq lıgadaǵy erler komandalary arasynda aqtyq 6-týrdyń sońǵy oıyndary ótip jatyr.
Keshe týrnır kestesinde kósh bastap kele jatqan «Almatylyqtar» atyraýlyqtarǵa 3:0, jarys qojaıyndary óskemendikterge 2:3 bop utyldy. Al oraldyqtar («Kondensat») qyzyljarlyq («Esil») qurdastarynan 3 upaı oljalady. Bul oıyn týrnır kestesindegi ahýalǵa esh ózgeris ákele alǵan joq.
Endi «Esil» men «Almaty», «Shyǵys-QorǵasynQurylys» pen «Kondensat», «Atyraý» men «TNK Qazhrom» ózara kúsh synasýda. Alaıda buǵan deıingi týrlarda qajetti upaı qorny jınap alǵan Almaty, Hromtaý jáne Óskemen voleıbolshylary 1-3 oryndy merziminen buryn ózara bólisti. Qazir «Almatyda» 62, «TNK Qazhromda» - 52, «Shyǵys-QorǵasynQurylysta» - 34, «Atyraýda» - 29, «Esilde» -21, «Kondensatta» - 18 upaı bar.
