Atyraýlyqtar Táýelsizdik kúnine oraı qoǵamdyq kólikte tegin qatynap júr
Atyraý qalalyq ákimdiginiń baspasóz qyzmetinen málim etkendeı, shahar turǵyndary men qonaqtary búgin jáne erteń – 16, 17 jeltoqsan kúnderi qoǵamdyq kólikte tegin júredi.
«El Táýelsizdiginiń 30 jyldyq mereıtoıyna oraı 16 jáne 17 jeltoqsan kúnderi jolaýshylar qala aýmaǵynda barlyq baǵytta qatynaıtyn qoǵamdyq kólikte tegin júredi. Atyraý qalalyq ákimdigi men jolaýshy tasymaldaıtyn kásiporyndar basshylary osyndaı ortaq sheshimge keldi. Jolaýshy tasymaldaý úshin ádettegideı 220 avtobýs marshrýtqa shyǵaryldy. Eki kún boıy tegin júrý múmkindigin jas shamasyna qaramastan barlyq jolaýshy paıdalana alady», -dep málim etti ákimdiktiń baspasóz qyzmetinen.
Qalalyq ákimdik jolaýshylardy qoǵamdyq kólikte maska rejımin saqtaýǵa shaqyryp otyr.
Eske sala ketelik, budan buryn atyraýlyqtar Táýelsizdik kúnine oraı qoǵamdyq kólikte tegin júretinin habarlaǵan bolatynbyz.
