Atyraýlyqtar sýǵa 10 mln teńge qaryz
ATYRAÝ. QazAqparat - Atyraý qalasynyń turǵyndary tutynylǵan sý úshin 10 mıllıonnan astam teńge qaryz, dep habarlaıdy QazAqparat tilshisi.
Óńirlik kommýnıkatsııalar qyzmetindegi brıfıng barysynda belgili bolǵandaı, búgingi kúni «Atyraý Sý Arnasy» JShS-nyń 985 qyzmetkeri Atyraý turǵyndaryna jáne Maqat aýdanynyń turǵyndaryna qyzmet kórsetedi. Abonentter sany 102 myń 503 adamdy quraıdy, onyń 98 myń 574-i - jeke tulǵalar, 3 myń 929 - zańdy tulǵalar. Bul rette, turǵyndardyń sýdy tutyný qyzmetterine bereshegi qazirgi ýaqytta 10 mln 363 myń 100 teńgeni quraǵan.
«Atyraý Sý Arnasy» JShS dırektorynyń ýaqytsha mindetin atqarýshy Rýslan Qurmetovtyń aıtýynsha, qazirgi tańda qala mańyndaǵy kentterdiń sý qubyry jelilerine málimetterdi jınaý jáne berý úshin ınjenerlik termınaldary bar 75 esepteýish quralyn ornatý jumystary júrgizilýde.
«Qazirgi tańda sý qubyry jelilerine 40 esepteýish quraly ornatyldy. Endi 35-in ornatý qajet. Jumystary júrgizilip jatyr. Budan basqa, Jumysker kentinde ornalasqan sý kótermeli sorǵy stansasynda Balaýsa yqshamaýdany jáne Erkinqala, Erkinqala-2 aýyldaryna beriletin sýdyń qysymyn kóterý úshin qosymsha sorǵy ornatyldy», - dedi R.Qurmetov.
Sonymen qatar, káriz kollektorlarynyń - 1,094 shaqyrym, jylý jelileriniń 1,1 shaqyrym apattyq bólikteri jóndeýden ótti. 145 sý qubyry men 147 káriz qudyqtaryna da jóndeý júrgizildi.
