Atyraýlyqtar Phenchhan Olımpıadasyna baratyn sportshylarymyzǵa qoldaý bildirdi
ASTANA. QazAqparat - Atyraý qalasynyń turǵyndary men qonaqtary Ońtústik Koreıada ótetin XXIII qysqy Olımpıada oıyndaryna qatysatyn qazaqstandyq sportshylarǵa qoldaý bildirdi, dep xabarlady Atyraý oblystyq óńirlik kommýnıkatsııalar qyzmetinen.
Atap aıtqanda, Jaıyq ózeniniń ústinde sporttyq oıyndardan festıval uıymdastyryldy.
Sharalardy qalalyq ákimdik pen dene shynyqtyrý jáne sport bólimi uıymdastyrdy. Jarystarǵa barlyq qala turǵyndary qatysýǵa múmkindik aldy. Olar jeke jáne toptyq syndarda baq synady. Kóptegen turǵyndar merekege otbasymen keldi. Biri konkı tepse, endi biri xokkeı jáne kóńildi start oıynyna qatysty. Buqaralyq sharaǵa 500-den astam adam qatysty.
