Atyraýlyqtar «Meniń Týym. Meniń elim!» chellendjine qoldaý bildirdi
Elimizde qolǵa alynǵan respýblıkalyq chellendjdi qoldaýǵa 20-dan astam volonter qatysty. Olar aldymen «Nursaıa» shaǵyn aýdanyndaǵy 17A mekenjaıyndaǵy kópqabatty úıdiń balkony men terezesine memlekettik rámizdiń biri – memlekettik Týdy ilip qoıdy.
«Búgin atyraýlyq jastar elge, Otanǵa degen súıispenshilikpen osy aktsııaǵa qoldaý bildirýdi uıǵardyq. Bizdiń aramyzda oqý oryndarynyń belsendi stýdentteri de bar. Kópqabatty úıdiń balkonynda Táýelsizdigimizdiń sımvoly – kók Týymyz jelbirep tur. Mundaı sát ár azamatqa patrıottyq rýh berip, erekshe sezimge bóleıdi. Basty tilegimiz – kók baıraǵymyz kókte jelbiretý. Otanyn shyn súıetin patrıot jastar elimizdiń órkendegenin, táýelsizdigimizdiń máńgilik bolǵanyn qalaıdy», - deıdi volonter Ilııas Úsenǵalıev.
Atalǵan aktsııa T.Jumaǵalıev kóshesindegi №23, B.Qulmanov kóshesi, 112/1 mekenjaıyndaǵy kóp qabatty úılerde, «BELUGA» qonaqúıinde jalǵasty.
