Atyraýlyqtar qurban shalý úshin 51 qoı, 40 toqty jáne 6 eshkige tapsyrys bergen

ATYRAÝ. QazAqparat – Atyraý oblysynyń turǵyndary qurban shalý úshin 51 qoı, 40 toqty, 6 eshkige tapsyrys bergen, dep habarlaıdy QazAqparat.

Atyraý oblysynyń bas ımamy Altynbek Utyshanulynyń málimetinshe, onlaın qurbandyq shalýǵa tapsyrys 31 shilde, 1 tamyz kúnderi de qabyldanady.

Osy kezge deıin qurban2020.kz saıty arqyly 97 onlaın tapsyrys túsken.

«Atyraýlyqtar 51 qoıǵa, 6 eshki men 40 toqtyǵa onlaın tapsyrys berip otyr. Al, qurbandyqqa shalynǵan maldyń etin alýǵa 380 muqtaj​ otbasynan ótinish tústi», - dedi Altynbek Utyshanuly.

Onyń aıtýynsha, «Imanǵalı» meshiti janynan 12 brıgada qurylǵan. Bul brıgadalar onlaın berilgen tapsyrysqa sáıkes qurban malyn soıady.