Atyraýlyqtar QR Memlekettik kúzet qyzmeti Prezıdenttik orkestriniń kontsertin tamashalady
ATYRAÝ. QazAqparat - Merekelik sharaǵa 1000-ǵa jýyq kórermen jınaldy, dep xabarlaıdy QazAqparat tilshisi óńirlik kommýnıkatsııalar qyzmetine silteme jasap.
Keshe Atyraý xalqy alǵash ret QR Memlekettik kúzet qyzmeti Prezıdenttik orkestriniń mýzykalyq baǵdarlamasyna kýá boldy. Shara Respýblıkalyq konkýrstar laýreattarynyń oryndaýynda 16 ánnen turatyn mýzykalyq baǵdarlamany usyndy. Atalmysh baǵdarlama «Keń dalam», «Meniń jerim, meniń elim», «Elbasy», «Uly dala» t.s.s ánderden turady.
Shara sońynda sóz alǵan obylys ákimi Nurlan Noǵaev Astanadan kelgen barsha delegatsııaǵa oblys atynan alǵysyn bildirdi.
«Men óz tarapymnan QR Prezıdentiniń keńse basshysy Mahmud Bazarqululyna, kitaphana ujymyna, Prezıdent orkestriniń basshylyǵyna, ujymyna elge qosh keldińiz deı otyryp, arqalap kelgen ystyq yqylastaryńyzdy atyraýlyqtar jyly qabyldady dep senim bildiremin. Prezıdent orkestriniń tamasha mýzykalyq keshin tamashaladyq. Atyraýlyqtardyń atynan úlken rızashylyǵymdy bildiremin. Prezıdent orkestri ózge memleket, álemdik derjavalar basshylary kelgende óz ónerlerin kórsetedi. Elbasy nusqaýymen orkestrdiń bizdiń jerimizge kelip óner kórsetýi úlken abyroı. Barshańyzdy osy kúnge arnaıy daıyndalǵan kórmeni tamashalaýǵa shaqyramyn. Kórmede buryn-sońdy bolmaǵan aqparattarmen tanysyp, Elbasynyń elge, jerge degen nıetinen týyndaǵan ıgi isteri týraly maǵlumat ala alasyzdar»,-dedi óńir basshysy.
Aıta keteıik, keshe 18 qyrkúıek kúni Atyraýda «N.Nazarbaev: dáýir, tulǵa, qoǵam» Elbasynyń kóshpeli qor kórmesiniń ashylý saltanaty ótti. Kórmeni Sh.Sarıev atyndaǵy oblystyq murajaıda 2 aı kóleminde tegin tamashalaýǵa bolady.
