Atyraýlyqtar koronavırýsty kóbine qoǵamdyq oryndarda juqtyrady

ATYRAÝ. QazAqparat – Atyraýlyqtar koronavırýs ınfektsııasyn adamdar kóp jınalatyn oryndarda juqtyrady, dep habarlaıdy QazAqparat.

Atyraý oblystyq Sanıtarııalyq-epıdemıologııalyq baqylaý departamentiniń bas mamany Gúldana Bısembaıdyń aıtýynsha, koronavırýs indetin juqtyrýdyń negizgi oshaǵy retinde qoǵamdyq oryndar anyqtalǵan.

«Sońǵy aptadaǵy taldaý kórsetkendeı, naýqastardyń 64,4 paıyzy koronavırýsqa adamdar kóp jınalatyn oryndarda shaldyqqan. Al 2,5 paıyzy qoǵamdyq kólikte, qalǵany naýqastarmen jaqyn qarym-qatynas jasaý arqyly juqtyryp otyr», - deıdi Gúldana Bısembaı.

Eske salaıyq, budan buryn Atyraý oblysynda eki táýlikte 1,1 myń adam koronavırýs juqtyrǵanyn habarlaǵan bolatynbyz.