Atyraýlyqtar gazǵa 514 mln teńge qaryz

ATYRAÝ. QazAqparat -  Atyraý oblysy turǵyndarynyń tutynǵan tabıǵı gazǵa bereshegi 514 mln teńgeni qurady, dep habarlady Óńirlik kommýnıkatsııa qyzmetindegi brıfıngte «QazTransGaz Aımaq» oblystyq fılıalynyń basshysy Maqsat Ábýov.

«514 mln teńgeniń 70,5  mln teńgesi   jeke tutynýshylardyń óteý merzimi ótip ketken qaryzy.  Al   92.7 mln teńge qaryz - óndiristik kásiporyndarǵa, 90.7 mln - jylý energııasynyń óndirýshilerine tıesili, 142.9 mln - turǵyn úı-kommýnaldyq sektor bereshegi. Ókinishke oraı, gazǵa tólemegeni úshin gazdan ajyratylǵan boryshkerler ózderi qaıta jaǵyp alatyn jaǵdaılar sıremeı otyr. Sondyqtan biz zań buzýshylarǵa aıyppul salý úshin sotqa júginýge májbúrmiz», - dep habarlady Ábýov.