Atyraýlyqtar ejelgi Otyrardyń arheologııalyq buıymdaryn tamashalaı alady

ATYRAÝ. QazAqparat - Atyraý qalasynyń qonaqtary men turǵyndaryna tarıhı tanymǵa toly «Kıeli Otyrardyń mádenı muralary» taqyrybynda jyljymaly kórme bir aıy boıy jumys jasaıdy. Kórmeniń ashylý saltanaty búgin oblystyq tarıhı-ólketaný mýzeıinde ótti, dep habarlaıdy QazAqparat tilshisi.

«Bul shara Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy jáne Astananyń 20 jyldyǵyna oraı, Atyraý oblysy tarıhı-ólketaný mýzeıinde Ońtústik Qazaqstan oblysyndaǵy Otyrar memlekettik arheologııalyq qoryq-mýzeıiniń uıymdastyrýymen qoınaýy tarıhqa toly, Qazaq órkenıetiniń altyn dińgegi, Otyrar tarıhyn kópshilikke nasıhattaý maqsatynda uıymdastyrylyp otyr»,  - deıdi mýzeı basshysynyń orynbasary Saıa Ǵazızova.

Otyrar memlekettik arheologııalyq qoryq-mýzeıi Qazaqstan aýmaǵynda qurylǵan alǵashqy arheologııalyq qoryq-mýzeıiniń biri. Qazaqstan Respýblıkasy Mádenıet jáne sport mınıstriliginiń 2015 jylǵy buıryǵymen respýblıkalyq arheologııalyq-qoryq mýzeıi bolyp bekitildi.  

 

Sondaı-aq, atalmysh kórmede mýzeı qory jınaǵyndaǵy H-HVІІІ ǵasyrlarǵa tán arheologııalyq  turmystyq buıymdar, nýmızmatıkalyq jáne zergerlik zattar, qarý-jaraq túrleri, sonymen qatar HІ ǵasyrdyń aıaǵy men HІІ ǵasyrdyń basynda ómir súrgen dindar,  ıslam dininiń ýaǵyzdaýshysy, túrki sopylarynyń babasy, áıgili  Qoja Ahmet ıAsaýıdiń ustazy, hám tálimgeri Arystanbab áýlıe jáne onyń kesenesi týraly tarıhı derektemeler kópshilik nazaryna usynylǵan.

Otyrar memlekettik arheologııalyq-qoryq mýzeıiniń  bas qor saqtaýshysy Eraly Tólendiulynyń aıtýynsha, birneshe júzdegen jyldar boıy óz ataýyn saqtap kelgen Otyrardyń  kópjyldyq tarıhy bar ekendigi 1971 jyly (OQKAE) Ońtústik Qazaqstan keshendi arheologııalyq ekspedıtsııasynyń zertteýi barysynda anyqtaldy.

Atyraý qalasynyń qonaqtary men turǵyndary tarıhı tanymǵa toly kórmeni 2018 jyldyń 25 shildesine deıin tamashalaı alady.