Atyraýlyqtar bir aıda 18,8 mln teńgege qymbat nómirler satyp aldy
ATYRAÝ. QazAqparat –Atyraý oblysynyń turǵyndary bıylǵy qańtarda jalpy quny 18,8 mıllıon teńgege baǵalanǵan qymbat nómirlerdi satyp aldy, dep habarlaıdy QazAqparat tilshisi.
Atyraýda da kólik ıeleriniń tarapynan úsh sany, ne eki shetki sany birdeı nómirlerdi satylymǵa shyǵarylǵanda jurtshylyq oǵan asa bir mán bermegen edi. Al, qazir mundaı nómirlerdi satyp alýǵa qyzǵýshylyq artyp keledi.
«Máselen, byltyr atyraýlyqtar mamandandyrylǵan halyqqa qyzmet kórsetý ortalyǵy arqyly 159,7 mıllıon teńgege 830 nómirdi satyp aldy. Al, bıylǵy qańtarda osyndaı 94 nómir satyldy. Ol úshin kólik ıeleri 18,8 mıllıon teńge tóledi», - dep habarlady «Azamattarǵa arnalǵan úkimet» MK KEAQ Atyraý fılıalynyń baspasóz hatshysy Nurlybek Baqtyǵalıuly.
Kólik ıelerin ásirese 010, 060, 070, 077, 707, 888 sekildi sandar men ZZZ, DDD, SSS, VVV, QQQ, III sekildi úsh birdeı árpi bar nómirler kóbirek qyzyqtyrǵan.
