«Atyraýlyqtar aram et jep júrmesin» respýblıkalyq basylymdarǵa sholý

***

«Jerimizdiń asty da, ústi de - altyn» dep kúpingende, bórkimiz daǵaradaı bolady osy. Alaıda osy baǵaly buıymǵa baı bolsaq ta, elimizde zergerlik bıznes damymaı otyr. Oǵan ne sebep? «Alash aınasy» basylymynyń búgingi sanyndaǵy «Altynymyz qara baqyrǵa aınalyp, zergerge zárý boldyq» degen atpen berilgen maqala osy saýalǵa jaýap izdepti.

«Tórt túliktiń tóresi - jylqy jabaılyqtyń qurbany bolýda. Qazaq halqynyń janyndaı jaqsy kóretin, baılyqqa balap kelgen arǵymaqtary oqqa ushyp jatyr. Qaıran janýar denesine oq tıisimen aspanǵa bir serpile shapshyp, ózin ıemdenbek bolǵandarǵa qarasyn kórsetpeı uzap ketkenin kórgender de bar...»,-dep jazdy «Alash aınasy» basylymynyń búgingi sany. Egjeı-tegjeıin gazettegi «Atyraýlyqtar aram et jep júrmesin» degen taqyryppen berilgen maqaladan oqı alasyzdar.

Oralda bokstan olımpıada chempıony Ermahan Ibraımovtyń júldesi jolyndaǵy halqaralyq týrnır aıaqtaldy. Bul barlyq aımaqtarda Qazaqstan boksshylarynyń sheberligin arttyrý maqsatynda QR boks federatsııasy uıymdastyryp jatqan halqaralyq sharshy alań básekeleri aıasynda ótkizilip jatqan syndardyń biri edi. Baıraqty básekeniń nátıjesin atalǵan basylymdaǵy «Áýesqoı boks «oralmany» Oralda ozyq shyqty» degen maqaladan oqyńyzdar.

***

«Jańa ǵasyrdyń ushqyr oqıǵalary qaýipsizdiktiń tetikterine jańasha qaraýǵa ıtermeleıdi. Bul jerde áńgime ıadrolyq qaýipsizdik týraly bolyp otyr. ıAdrolyq elderdi basqaratyn adamdardyń shaǵyn shoǵyry jappaı qyryp-joıatyn qarýǵa qatysty ózderiniń ustanymdaryn dáleldeı ala ma? ıAdrolyq tehnologııalarǵa naqty da tıimdi baqylaýdy júzege asyra otyryp, sonymen bir mezgilde, egemen memleketterdiń beıbit atomdy damytý quqyna qalaısha kepildik berýge bolady? ıAdro salasynda jalǵan emes, túpnusqaly tepe-teńdikti qalaı qamtamasyz etken jón? Taratpaý jónindegi problemalardy sheshýge dıplomatııa áleýeti qanshalyqty deńgeıde paıdalanylyp júr? Osy jáne basqa da máseleler Vashıngtonda ótetin aldaǵy ıadrolyq qaýipsizdik jónindegi jahandyq sammıtte ashyq ta jemisti pikir almasýlardyń taqyryby bolady dep senemin». Bul Qazaqstan Prezıdenti Nursultan Nazarbaevtyń jurtshylyqtyń nazaryn aýdarǵan «Izvestııa» gazetinde 2 sáýir kúni jarııalanǵan maqalasynan úzindi. «Aıqyn» basylymynyń búgingi sany «Alyp aýqymdy álem jáne ıadrolyq qaýipsizdik» degen taqyryppen atalǵan maqalany yqshamdap jarııalapty.

«AQSh-tyń Ortalyq Azııaǵa baǵyttalǵan jańalanǵan saıasatynda Qazaqstannyń alatyn orny erekshe»,-deıdi Qazaqstannyń AQSh-taǵy Tótenshe jáne ókiletti elshisi Erlan Ydyrysov «Aıqyn» gazetine bergen suhbatynda. Obama saıasaty AQSh-qa ne berdi? AQSh saıasatynyń jelkeni qaı baǵytqa bet aldy? Alpaýyt eldiń Ortalyq Azııa elderine degen Strategııalyq bas josparynda Qazaqstannyń alatyn orny qandaı? Osy jáne ózge de mańyzdy saýaldar tóńireginde elimizdiń AQSh-taǵy elshisimen oı bóliskińiz kelse, atalǵan basylymnyń «Aq sóıle» aıdaryna nazar aýdaryńyz.

«Qoımada turǵan dári kimge shıpa?...» Osy taqyryppen berilgen

«Aıqyn» gazetindegi kelesi maqala kepildendirilgen tegin medıtsınalyq kómek aıasynda respýblıka aýrýhanalaryna jetkizilýi tıis dári-dármektiń 40 paıyzy biryńǵaı dıstrıbıýtordyń qoımasynda saqtaýly turǵanyn synǵa alypty. «Bizdiń dıstrıbıýtor - «Samuryq Qazyna-Farmatsııa» bolsa, ol ózine júktelgen mindetti oryndaı almaı otyr degen sóz. Al aımaqtardaǵy naýqastar dári-dármekke zar bolýda. Sonda biryńǵaı dıstrıbıýtordyń olarǵa: «Búgin aýyra tur, erteń dári jetkizemiz» degeni me?»,-dep jazdy basylym.

***

Baıtaq dalamyzdy qyzǵysh qustaı qoryp, dushpannyń tabanyn tıgizbeýde úsh júzdiń qazaǵy bir ata, bir ananyń balasyndaı, judyryqtaı jumylyp, tatýlyqty tý etip, jattan jatpaı-turmaı qorǵana bilgen. Biregeı batyrlary dushpanyn aıbarymen jasyta bilgen, soǵysa qalsa, jer qaptyryp erligin asyra bilgendigin aqtańdaǵy mol tarıhymyzdan endi-endi bile bastadyq. «Astan aqshamy» gazetiniń búgingi sanynda «Báıterek batyr» atty maqala jaryq kóripti. Aty aıtyp turǵandaı, maqala qazaq dalasyndaǵy urystarda sheberligimen kózge túsken Báıterek batyr týraly sóz qozǵaıdy.

«Ańshylyq aksıomasy». Osy taqyryppen berilgen «Astan aqshamy» gazetindegi kelesi maqala ańshylyq sharýashylyǵynyń búgingi jaǵdaıyna nazar aýdarypty. «Qazirgi tańda Qazaqstanda 655 ańshylyq sharýashylyǵy bar. Olar óz jumystaryn atqaryp jatyr. Biraq elimizdegi sharýashylyqtardyń Reseı, Eýropa jáne Amerıka ańshylyqtarynyń jetistikterin kúdelikti tirshilikterine engizýi baıqalmaıdy. Onsyz ańshylyq sharýashylyqtarynyń alǵa damýy qıyn. Sondyqtan, ańshylyqty tıisti deńgeıge kóterý úshin ár sharýashylyqta ańshylyqtanýshy maman bolý kerek»,-deıdi basylym.

***

EQYU-nyń Іs basyndaǵy tór­aǵasy, Qazaqstan Respýb­lı­ka­synyń Memlekettik hatshysy - Syrtqy ister mınıstri Qanat Saýdabaevtyń Shyǵys Eýropa­da­ǵy úsh memleket - Belarýs, Ýkraına, Moldova respýblıkalaryna sapary aıaqtaldy. Osyǵan baılanysty«Egemen Qazaqstan» basylymynyń búgingi sanynda «Qarapaıym halyq qıyndyq kórmeýi tıis» degen maqala jaryq kóripti. «Dıplomatııadaǵy basty qarý-ornymen aıtylǵan sóz. Júıesin tapqan sóz qudiretiniń aldynda qaıqıǵan bas ıilip, qaıralǵan qy­lysh qynyna túskeniniń mysalyna tarıhty paraqtaı otyryp kóz jet­kizýge bolady. Qazaqstanǵa EQYU-ǵa tóraǵalyq tusynda osy qarýdy meılinshe Vankýverden Vladı­vos­tokqa deıingi alapty alyp jatqan 56 memlekettiń, ondaǵy halyq­tar­dyń ıgiligine bar pármenimen jumsaýyna týra keledi»,-dep jazdy basylym.

«Biz táýelsiz memleket boldyq" dep álemge jar salǵan alǵashqy sátten bastap, odan keıin búkilhalyqtyq demokratııalyq saılaý jolymen memleket qurylymynyń prezıdenttik basqarý júıesin tańdadyq. Bul - halyqtyń tańdaýy. Búkil halyq bo­lyp saılaǵan Prezıdenttiń resmı qu­zy­ry qýatty. Ol júıe óziniń ómirsheńdigin dáleldedi de. Árıne, qandaı da mem­le­ket­tik ınstıtýt ózdiginen jumys isteı al­maı­dy. Onyń jumysyn kórsetetin de, dálel­deıtin de naqty Adam, Tulǵa, sol Adam­nyń is-áreketi men jaýapkershiligi, bilim­diligi men biliktiligi, ádildigi men qaı­rat­kerligi. Keler jyly bizdiń memlekettik táýelsizdigimizge 20 jyl tolady. Prezı­dent osyny oılap, oǵan kóbirek mán berip júrgeni belgili. Tek tarıhı mezgilge ǵana baılanysty emes, biz qazirgi kezde memleketimizdiń, memlekettik quzyrly oryndardyń, memlekettik ınstıtýttardyń qalyptasý qubylysyn jan-jaqty sarapqa salyp, onyń jetistikteri men kemshilik­terin, jibergen qatelikterimizdi, olardyń sebepterin anyqtap, synı baǵa berýdi eskergenimiz abzal. Ol bizdiń damýymyz úshin, memleketimizdi kúsheıtý úshin, bolashaǵymyz úshin qajet»,-dep jazǵan «Egemen Qazaqstan» gazetiniń búgingi sanyndaǵy kelesi maqala «Qazaqtyń jańa dáýiri» degen taqyryppen halyqtyń kóz aldyndaǵy, qoǵamdyq pikirdiń nazaryndaǵy Prezıdenttiń qyzmeti týraly sóz qozǵapty.