Atyraýlyqtar Álem chempıonyn áýejaıdan kútip aldy
ATYRAÝ. QazAqparat - Búgin bir top sport jankúıerleri parataekvondodan álem chempıony atanǵan Nurlan Dombaevty áýejaıdan saltanatty túrde kútip aldy, dep habarlaıdy QazAqparat.
Nurlan 2017 jyly Ulybrıtanııada jáne bıyl, 2019 jyly Túrkııa elinde álem chempıonatynyń jeńimpazy atanyp, Atyraýdan shyqqan tuńǵysh 2 dúrkin álem chempıony bolyp otyr. 
«Osy jeńis úshin kóp ter tóktik. Endi toqtap qalmaı Paralımpıada oıyndarynda altyn júlde enshileýdi maqsat qoıyp otyrmyn», - deıdi Nurlan.
Aıta ketý kerek, araǵa bir apta salyp Nurlan Mysyrda ótetin Afrıka qurlyǵynyń týrnırinde baq synaıdy.
Nurlan qazirgi tańda qaladaǵy 1-shi Olımpıadalyq rezervtiń mamandandyrylǵan sport mektebine jattyǵady.
