Atyraýlyqtar Abaı kúninde tarıhı tulǵalar sherýine kýá boldy
Atyraýda uly aqynnyń 178 jyldyǵyna oraı «Abaı – ulttyń aınasy» atty ádebı-mýzykalyq is-sharasy ótti. Oǵan qatysqan oblys ákiminiń orynbasary Marat Mýrzıev, zııaly qaýym ókilderi Abaı eskertkishine gúl shoǵyn qoıdy.
Іs-shara M.Ótemisuly atyndaǵy akademııalyq qazaq drama teatry ártisteriniń teatrlandyrylǵan prologymen bastaldy. Shahar jurtshylyǵy tarıhı tulǵalar sherýine kýá boldy.
«Qazaq halqynyń máńgilik maqtanyshy – dara da danyshpan Abaı. Memleket basshysy Qasym-Jomart Toqaev atap kórsetkendeı, «Hakim Abaıdy birtutas ult bolyp ulyqtaý – bizdiń perzenttik paryzymyz. Uly Abaı – bizdiń elimizdiń maqtanyshy ǵana emes, álemdik deńgeıdegi kemeńger. Ol – qazaqtyń jan dúnıesiniń tuńǵıyǵyna boılaǵan dara tulǵa». Qazir Abaıdyń dara jolyn tek qazaq mádenıeti men ádebıeti, ǵylymy úshin ǵana emes, bar álemge mura deýge bolady. Álem elderinde onyń shyǵarmashylyǵyn zerttegisi keletin ǵalymdar kóp. Sol sebepten aqynnyń mol shyǵarmashylyq murasy urpaqtan-urpaqqa nasıhattala beredi», - dedi Marat Mýrzıev.
Aqynnyń týǵan kúnine arnalǵan is-sharada Abaıdyń eskertkishine gúl shoǵy qoıyldy, óleńderi oqylyp, ánderi shyrqaldy. Sondaı-aq jergilikti sýretshilerdiń týyndylary sýret kórmesine qoıyldy. Al Ǵ.Slanov atyndaǵy oblystyq ǵylymı-ámbebap kitaphanasy «Abaı – dana, Abaı dara qazaqta» atty kitap kórmesin uıymdastyrdy. Oblystyq tarıhı-ólketaný mýzeıiniń qoryndaǵy jádigerler jurtshylyqqa usynyldy.
Eske sala ketelik, budan buryn Atyraý teatry Mysyrda «Sultan Beıbarys» spektaklin sahnaǵa shyǵaratynyn jazǵan bolatynbyz.
