Atyraýlyqtar 241 mln teńgege VIP-nómirler satyp alǵan
«Azamattarǵa arnalǵan úkimet» memlekettik korporatsııasy» kommertsııalyq emes aktsıonerlik qoǵamy Atyraý oblystyq fılıalynyń baspasóz qyzmetinen málim etkendeı, atyraýlyq júrgizýshiler arasynda VIP nómirlerge suranys artyp otyr.
«Atyraý oblysynyń júrgizýshileri 2021 jyly 249 mln 335 myń 283 teńgeniń 961 VIP-nómirin satyp alǵan edi. Al, byltyr atyraýlyqtar 241 mln 307 myń 788 teńgege VIP-nómirler satyp aldy. Eń qymbat nómirdiń bireýi 983 myń 250 teńgege baǵalandy. Júrgizýshilerdiń suranysyna baılanysty árqaısysy 786 myń 600, 472 myń 650 jáne 196 myń 650 teńgege baǵalanǵan VIP-nómirler saýdaǵa shyǵaryldy. Ótken jyly sany men árip úılesimi birdeı 856 memlekettik tirkeý belgisi bar nómir rásimdeldi», -dep habarlady óńirlik fılıaldyń baspasóz qyzmeti.
Ad, bıyl aılyq eseptik kórsetkishtiń ósýine baılanysty joǵary suranysqa ıe VIP-nómirler quny 196 myń 650-den bastap 983 myń 250 teńge aralyǵyda qubylady. Memlekettik nómirler sandyq jáne árip sáıkestigine baılanysty ózgeredi. Al, qarapaıym memlekettik nómirlik tirkeý tańbalary 9 myń 660 teńgeni quraıdy.
«Memlekettik nómir ıesi ony ózge adamǵa syılaýyna ne sata almaıdy. Al, burynǵy kóligin satqan bolsa, jańa kólik alǵansha – 6 aıǵa deıin memlekettik nómir belgisin halyqqa qyzmet kórsetý ortalyǵynda saqtaýyna bolady», -dep málim etti baspasóz qyzmetinen.
Eske sala ketelik, buǵan deıin Atyraý oblysynyń turǵyndary kólemi 272,9 mln teńge bolatyn salyǵyn tólemeı júrgenin habarlaǵan edik.