Atyraýlyqtar 22 naýryzda qoǵamdyq kólikte tegin júredi

ATYRAÝ. QazAqparat – Atyraý qalasynyń turǵyndary men qonaqtary 22 naýryzda qoǵamdyq kólikte tegin júredi, dep habarlaıdy QazAqparat.

Bul týraly Atyraý qalalyq ákimdiginiń baspasóz qyzmetinen málim etti.

«Atyraý qalasynyń ákimdigi Ulystyń uly kúni – Naýryz merekesine oraı turǵyndar men qonaqtardy qoǵamdyq kólikte tegin tasymaldaý týraly bastama kóterdi. Bul bastamaǵa jolaýshy tasymaldaıtyn kásiporyndardyń basshylary qoldaý bildirdi. Ákimdik pen kásiporyndar arasyndaǵy kelisimge sáıkes 22 naýryzda Atyraý qalasyndaǵy barlyq baǵytta jolaýshy tasymaldaıtyn qoǵamdyq kólikterde jolaqy tegin bolady. Bul múmkindikti jas ereksheligine qaramastan barlyq jolaýshy paıdalana alady», -dep habarlady ákimdiktiń baspasóz qyzmeti.

Eske sala ketelik, budan buryn Atyraýda 8 naýryz kúni jolaýshylar tegin júretinin jazǵan bolatynbyz.