Atyraýlyqtar 19 mln teńgeniń poıyz bıletin tapsyrdy
ATYRAÝ. QazAqparat –Atyraýlyqtar jalpy somasy 19 mıllıon 254 myń 672 myń teńgeni quraǵan poıyz bıletin keri tapsyrdy, dep habarlaıdy QazAqparat.
Bul týraly Atyraý temir jol vokzalynyń bastyǵy Aıbek Qýanyshev málim etti.
«Jolaýshylar birneshe baǵytqa poıyz bıletin alǵan. Alaıda, koronavırýs dertiniń órshý qaýpine baılanysty bıletterin keri tapsyryp jatyr. Búgingi málimet boıynsha 2658 bılet tapsyryldy. Onyń quny 19 mıllıon 254 myń 672 teńgeni qurady. Osy somadan 1 mıllıon 679 myń 348 teńgeniń bıleti onlaın-rejımde satyp alynǵan. Bılet quny qaıtarylyp jatyr» -dedi Aıbek Qýanyshev.
Onyń aıtýynsha, bastapqyda bılet aqshasyn qaıtarýda qolma-qol aqshanyń azdyǵynan qıyndyq týyndaǵan. Al, qazir bul másele retteldi.
