Atyraýlyqtan 3 myńnan astam sıntetıkalyq esirtki dozasy tárkilendi

ATYRAÝ. QazAqparat – Atyraýda 24 jastaǵy jigitten 3 myńnan astam doza sıntetıkalyq esirtki tárkilendi, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, 29 naýryzda Esirtki qylmysyna qarsy is-qımyl basqarmasynyń qyzmetkerleri Atyraý qalasyndaǵy Gaıdar kóshesinde 24 jastaǵy jigitti ustaǵan.

«Onyń páterin tintý kezinde jalpy salmaǵy 1 keli sıntetıkalyq esirtki zaty tárkilendi. Ustalǵan kúdiktiniń ústinen Qylmystyq kodekstiń 296-baby 4-bóligimen (asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) qylmystyq is qozǵaldy», - dedi oblystyq polıtsııa departamentiniń bastyǵy Qamza Úmbetqalıev.

Qazir kúdikti ýaqytsha ustaý ızolıatoryna qamaldy.

Eske sala ketelik, budan buryn atyraýlyq 60 doza esirtkini qalanyń úsh jerine jasyryp qoıǵanyn jazǵan edik.