Atyraýlyq júrgizýshi 116 ret jyldamdyqty arttyryp, 1 mln teńge aıyppul alǵan
ATYRAÝ. QazAqparat – Atyraýda naýryzdan beri 1 117886 teńge aıyppuldy tólemegen «Opel Astra» kóliginiń júrgizýshisi ustaldy, dep habarlaıdy QazAqparat.
Polıtsııa qyzmetkerleri Atyraý qalasynda «Intercoptor» avtomattandyrylǵan baqylaý júıesiniń kómegimen asa iri mólsherde aıyppul tólemegen eki avtokóliktiń júrgizýshisin ustady. Bir kólik – Armenııada, ekinshisi Reseı Federatsııasynda esepke qoıylǵandyqtan, Atyraýdaǵy ıeleri derekter bazasyna tirkelmegen.
«Polıtseıler «Kordon» fotoradar kesheniniń kómegimen 18 mamyrda bul kólikterdi qala kóshelerinde toqtatty. Onyń biri – «Opel Astra» kóliginiń júrgizýshisine aıyppul jyldamdyqty 116 ret arttyrǵany úshin 1 117 886 teńge , ekinshisine «Daewoo Nexia» kóligimen qozǵalys erejesin 20 ret buzǵany úshin 173 625 teńge aıyppul salynǵan. Aıyppuldar tolyq tólengenshe, kólikter aıyp turaǵyna qoıyldy», - dep habarlady oblystyq polıtsııa departamentiniń baspasóz qyzmeti.
Atyraýda 18 mamyr kúni jol qozǵalysy erejelerin buzǵany úshin aıyppul turaǵyna qazaqstandyq, sheteldik esepke alynǵan 15 avtokólik qoıylǵan.
