Atyraýlyq jumyssyz jáne kópbalaly analarǵa tegin sheberlik kýrsy ótkiziledi

ATYRAÝ. QazAqparat - 4 sáýirde Atyraýda jumyssyz jáne kópbalaly analarǵa arnalǵan «Seniń tabysyń - seniń qolyńda» atty aqysyz sheberlik synyptary ótedi, dep habarlaıdy QazAqparat.

Bir kúndik kýrsqa kópbalaly analar, jalǵyzbasty analar jáne jumyssyz áıelder tirkele alady. Uıymdastyrýshylar 30 adamdy qamtýdy josparlap otyr. Kýrsty qaladaǵy belgili vızajıst Baqyt Myrzaǵalıeva, kondıter Dınara Asımova jáne tiginshi Aızada Kenen ótkizedi.

«Biz úıde jumyssyz otyrǵan analarǵa kómekteskimiz keledi. Aldaǵy kezde olar óz isterin ashýy da múmkin. Qazir qandaı salalarǵa suranys bar - sheberlik synyp ótkizý úshin solardy tańdap aldyq. Sondaı-aq, sheberlik synyptary kezinde qatysýshylar kúndizgi jáne keshki makııaj jasaýdy, eń dámdi torttardy pisirýdi, tigip, pishýdi úırenedi. Kosmetıka, ıngredıentterdi, jumysqa qajetti qural - saımandardy uıymdastyrýshylar beredi. Aýysymdy aıaq kıim men aljapqyshty qatysýshylar ózderi alyp kelýi tıis»,-dep túsinik berdi «Alash mádenıeti» QB-niń tóraıymy Dınara Ahımova.