Atyraýlyq júkti áıel úıde bosandy
ATYRAÝ. QazAqparat - Atyraýlyq 32 jastaǵy júkti áıel dárigerlerdiń kómeginsiz úıinde bosanyp qalǵan. Bul týraly QazAqparat tilshisi densaýlyq saqtaý basqarmasyna silteme jasap habarlaıdy.
18 naýryzda 1987 jyly týǵan Atyraý qalasynyń turǵyny tolǵaǵy bastalǵan kezde, perzenthanaǵa barýdan bas tartqan. Tolǵaq kezinde júkti áıeldiń qasynda joldasy men enesi bolǵan.
Oblystyq densaýlyq saqtaý basqarmasynyń akýsherlik jáne bosaný bóliminiń meńgerýshisi Uljan Muhtarovanyń aıtýynsha, júkti áıelderdiń kóbi zaman aǵymyna qaraı úıde bosanýdy qoldaıdy. Qazir Eýropa men Reseıde úıde bosaný jaǵdaılaryn tańdaıtyndar kóbeıgen. Alaıda, oqıǵa dárigerdiń jiti baqylaýynda bolady.
Aıta keteıik, oblysta úıden bosaný jaǵdaılary boıynsha 2017 jyly - 52, byltyr - 36, bıyl jyl basynan beri 7 jaǵdaı tirkeldi. Abyroı bolǵanda, eshqaısymen qaıǵyly jaǵdaı tirkelmegen.
