Atyraýlyq jolaýshylar búgin avtobýsta tegin júrýde

ATYRAÝ. QazAqparat –Búgin, 14 naýryz –Kórisý kúnine oraı tańerteńnen beri atyraýlyq jolaýshylardan avtobýsta jolaqy alynǵan joq, dep habarlaıdy QazAqparat.

Bul týraly Atyraý qalalyq ákimdiginiń baspasóz qyzmeti málim etti.

«Búgingi Kórisý kúnine baılanysty Atyraý qalasynda jolaýshy tasymalymen aınalysatyn 8 kásiporyn turǵyndardan jolaqy almaýǵa sheshim qabyldady. Atyraý qalasynyń ákimi Qaırat Orazbaev olarǵa 14 naýryz kúni jolaýshylardy tegin tasymaldaýǵa usynys bildirgen edi. Bul usynysqa bastapqyda «Atyrau-Avtopark» JShS qoldaý bildirdi. Keıin ony ózge de kásiporyndar ilip áketti. Qazir Atyraý qalasynda 8 kásiporyn kún saıyn jolaýshy tasymaldaý úshin 26 marshrýtqa 160-tan astam avtobýs shyǵarady. Qala turǵyndary barlyq marshrýtta kúni boıy tegin júredi» -dep habarlady Atyraý qalalyq ákimdiginiń baspasóz qyzmetinen.