Atyraýlyq jigit grant alyp, kalıfornııa qurtyn ósirip otyr
Qyzylqoǵa aýdanynyń Saǵyz aýylynda turatyn Ánýar Nurov bıyl aqpan aıynan beri kalıfornııa qurtyn ósirýdi qolǵa alǵan. Jaqynda «Demey» volonterlik toptarǵa arnalǵan oblystyq konkýrsqa «Qunarly jer» taqyrybyndaǵy jobasyn usynyp, grantqa ıe bolǵan.
«Jyl basynan beri bıologııalyq turǵydan zerttelgen organıkalyq tyńaıtqysh arqyly qunarly jer kólemin arttyrýdy kózdedim. Osy maqsatta maldyń kóńinen tabıǵı tyńaıtqysh óndirýdi qolǵa aldym. Tyńaıtqyshty baý-baqshaǵa, terekke paıdalanyp, jasyl jelekti kóbeıtýge bolady. Aýylda úıilip jatatyn maldyń kóńi jazda qyzyp, tútindep, qorshaǵan ortany lastaıdy. Al, ony óńdesek, ekologııalyq problemany sheship, aýyl tazalyǵyna úles qosamyz. Sol sebepten, kalıfornııalyq qurtty ósirip otyrmyn», - deıdi Ánýar Nurov.
Onyń aıtýynsha, kalıfornııalyq qyzyl qurttyń uzyndyǵy – 10 sm, dıametri – 3-5 mm, salmaǵy shamamen 1 gramdy quraıdy. Al, ómir súrý uzaqtyǵy – 16 jyl. Kádimgi jaýyn qurtyna qaraǵanda, 150 ese tez kóbeıedi. Bul qurttyń jańa dernásili 21 kúnde paıda bolyp, 90-120 kúnde úlkeıedi. Eki qurtyń dernásili jylyna 1,5 myńǵa deıin jetedi.
Eske sala ketelik, budan atyraýlyq jalbyz ben jaýynqurt ósirýden tabys taýyp otyrǵanyn habarlaǵan bolatynbyz.
