Atyraýlyq jelige vıdeo júktegeni úshin jumystan zańsyz shyǵarylǵan
ATYRAÝ. QazAqparat - Atyraý soty osy kóktemde Qarabatandaǵy zaýyttyń zııandy shyǵaryndylary týraly vıdeony áleýmettik jelige salǵany úshin jumystan shyǵarylǵan Tımýr Qalıaqparov isine qatysty sheshim shyǵardy, dep habarlaıdy QazAqparat tilshisi.
Júk ilýshiler brıgadıri bolyp jumys jasaıtyn Tımýr Qalıaqparov zaýytta shyqqan zııandy zattar týraly vıdeony áleýmettik jelige júktegen. Sodan keıin onyń jumys berýshisi «Atyraý temirjol qurylysy» JShS ony jumystan shyǵaryp jibergen.
«Sottyń sheshimimen «Atyraý temirjol qurylysy» JShS jumystan shyǵarý týraly buıryǵy zańyz bolyp tanyldy. T. Qalıaqparov burynǵy jumysyna oraldy. Onyń ústine jumys berýshi qyzmetkerine jumystan shyǵaryp jibergen kezeń ishindegi jalaqysy men advokat shyǵyndaryn óteýge mindetteldi», - delingen oblystyq sot taratqan baspasóz paraǵynda.
