Atyraýlyq jastar 80-90 myń teńge jalaqyǵa eńbek etýden bas tartýda
ATYRAÝ. QazAqparat - Atyraýlyq jastar tabysy 80-90 myń teńge bolatyn jumystardan bas tartyp otyr.
Bul týraly Jastar isteri jónindegi keńes otyrysynda aıtyldy, dep habarlaıdy QazAqparat agenttigi.
Oblystyq jumyspen qamtý jáne áleýmettik baǵdarlamalar basqarmasynyń basshysy Erkin Shpanovtyń aıtýynsha, jumyssyz jastardyń birin jalaqynyń mólsheri qanaǵattandyrmasa, biri naqty munaı-ken oryndarynda eńbek etkendi qalaıdy. Búginde olar 80-90 myń teńgege jumys isteýden qashyp otyr.
Qazir Atyraý oblysynda eki myńnan astam jas - jumyssyz.
«Jumysqa alynǵan kezde ózderin kórsete almaı, enjarlyq tanytatyn nemese jumysqa qabyldanar aldynda shaqyrylǵan testileýge ártúrli syltaýmen kelmeı qalatyn jastar da kezdesedi. Mysaly, 2016 jyly jumys berýshilerden 21 myńnan astam vakansııa týraly málimet tústi. Olardyń 60 paıyzy jastar úshin qarastyryldy. «Senimdi qurylys», «Sınopek» mekemelerine testke shaqyrylǵan 814 adamnyń ishinen 263-i kelmeı qaldy. 197-si telefonǵa jaýap bermedi», - deıdi Erkin Shpanov.
Onyń aıtýynsha, atyraýlyq kásipkerler jumysshy mamandyǵyna adam taba almaı jatady. Jastardyń qurylys salasyna da qulshynys tanytpaýy, jumys berýshilerdi eńbek mıgranttaryn jumyldyrýǵa májbúrlep otyr. Jastarymyz eńbek ótili men tájirıbeleriniń joqtyǵyna qaramastan, «qara jumystan» góri keńsede otyratyn nemese mol tabysty munaı-gaz kompanııalarynda qyzmet etkendi qalaıdy.
Degenmen, respýblıkada jastar arasyndaǵy jumyssyzdyqtyń jalpy deńgeıi 3,9 paıyz bolsa, Atyraýda bul kórsetkish 0,7 paıyzdy qurap otyr. ıAǵnı, jastardy jumyspen qamtý jaǵynan Atyraý oblysy aldyńǵy orynda. Jyl qorytyndysy boıynsha, jumyspen qamtý ortalyǵyna habarlasqan 8400 jastyń 5660-y eńbekke ornalasty.
Erdos Qasym
