Atyraýlyq jas samboshylar Álem chempıonatynan júldeli oraldy
ATYRAÝ. QazAqparat - Atyraýdyń 3 sportshysy álemniń birqatar memleketinen jınalǵan úzdik 250 balýan baq synaǵan dodaǵa qatysty, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
22-26 tamyz aralyǵynda Reseı Federatsııasynyń Orel qalasynda Sambo kúresinen 2002-2004 jyly týǵan mektep oqýshylary arasynda Álem chempıonaty ótti.
Álemdik básekege 30-ǵa jýyq memleketten 250 eń úzdik jas balýan qatysty. 42 keli salmaq dárejesinde Qazbek Ańsaǵan aqtyq synǵa deıin jetip, kúmis júldeger atansa, 46 keli salmaq dárejesinde Ádilet Hısapov pen 55 keli salmaq dárejesinde Mádenıet Qulmanov qola júldege ıe boldy.
Aıta ketý kerek, bul doda balalardyń joǵary dárejedegi eń alǵashqy saıysy. Budan buryn №1 balalar men jasóspirimder sport mektebiniń jas sportshylary el chempıonatynda úzdik atanǵan bolatyn.
