Atyraýlyq jas palýan álem chempıony atandy
ATYRAÝ. QazAqparat – Atyraýlyq jas palýan Abylaıhan Meırambekuly álem chempıonatynan altyn medal enshiledi, dep habarlaıdy QazAqparat.
Óńirlik kommýnıkatsııalar qyzmetiniń aqparatyna qaraǵanda, Abylaıhan Meırambekuly Serbııa Respýblıkasynyń Novı-Sad qalasynda sambodan ótip jatqan álem chempıonatynda 52 keli salmaqta baq synaǵan.
Álemniń ár elinen kelgen qarsylastarynyń bárin utyp, sheberligimen tánti etti. Aqtyq synda Moldova palýanyn da qapy qaldyrdy.
Sóıtip, ol jastar arasynda álem chempıony atandy.
Halyqaralyq dodada taǵy bir palýan Erkebulan Qýanǵalıev fınalda baq synaýǵa múmkindik aldy.
