Atyraýlyq zeınetker túrmege 100-den astam kitap syılady
Atyraýdaǵy ÝG-157/11 mekemesiniń kitaphanasy 6 myńnan astam kitappen qamtylǵan. Onyń ishinde qazaq tilindegi ádebı shyǵarmalardan bólek, álem klassıkteriniń de kitaptary bar.
Bul túrmede jazasyn ótep jatqan 150-den astam áıeldiń keıbiri aıyna 5 kitap oqıdy. Endi olarǵa jergilikti zeınetker Málik Kóptileýov 100-den astam kitapty syıǵa tartty.
«Budan buryn jergilikti gazetter arqyly Atyraý turǵyndarynan mekemege qaıtarymsyz kitaptar qabyldaıtynymyzdy habarlaǵan edik. Osy habarlandyrýdy estigen Atyraý qalasynyń turǵyny, munaı salasynda eńbek etken zeınetker Málik Kóptileýov jazasyn óteýshi áıelder úshin qazaq jáne orys tilindegi 100-den astam kitapty qaıtarymsyz syılady», - deıdi mekeme bastyǵynyń orynbasary Medet Adjıkýlov.
Eske sala ketelik, budan buryn Atyraýda túrmede otyrǵandar úshin onlaın-dúken ashylǵan edi.
