Atyraýlyq zeınetker 31 jyldan keıin Qazaqstan azamaty atandy
ATYRAÝ. QazAqparat – Atyraýlyq zeınetker 31 jyldan keıin Qazaqstan Respýblıkasynyń azamaty atandy, dep habarlaıdy QazAqparat.
Oblystyq polıtsııa departamenti baspasóz qyzmetinen málim etkendeı, Atyraýda áli de jeke basyn kýálandyratyn qujatsyz júrgender bar. Olardyń basym kópshiligi – Qazaqstan Respýblıkasynyń zańyna sáıkes kámeletke tolmaǵan jasta, sondaı-aq, eski úlgidegi qujatpen kelgender.
«Osyǵan baılanysty bul sanattaǵy azamattar memlekettik qyzmetten, sondaı-aq, járdemaqy alý quqyǵynan aıyrylǵan. Qazir qujatsyz júrgen azamattardy anyqtap, olardy QR azamatynyń nemese azamattyǵy joq adamnyń qujattarymen qujattandyrý maqsatynda tıisti jumystar júrgizilýde. Jyl basynan beri 9 turǵyn Qazaqstannyń qujatyn aldy», -deıdi oblystyq polıtsııa departamentiniń bastyǵy Qamza Úmbetqalıev.
Onyń aıtýynsha, Atyraý qalasynda turatyn 63 jastaǵy zeınetker 32 jasynda 1990 jylǵy úlgidegi tólqujatty alǵan. Odan keıin eski tólqujatty aýystyrmaǵan. Jaqynda ol kóshi-qon qyzmetkerleriniń kómegimen Qazaqstan Respýblıkasynyń azamaty ekenin kýálandyratyn jeke kýálikke ıe bolǵan.
