Atyraýlyq volonterler 80-nen astam zeınetkerge azyq-túlik taratty
Aktsııa uıymdastyrýshysy Janar Ǵılymovanyń aıtýynsha, maqsat –jalǵyzbasty zeınetkerlerge kómek kórsetý. Olardyń tizimi oblystyq jumyspen qamtýdy úılestirý jáne áleýmettik baǵdarlamalar basqarmasynan alynǵan.
«Biz turǵyndardan erikti túrde jınalǵan 1,5 mıllıon teńgege 3 tonnadan astam taýar satyp aldyq. Sodan soń jalǵyzbasty zeınetkerlerge azyq-túlik sebetin daıyndadyq. Sebetke sút, jumyrtqa, kúnbaǵys maıy, un, makaron, qant, konservilengen et, túrli jemister sekildi áleýmettik mańyzy bar azyq-túlikter salyndy. Buǵan qosa, dári-dármekter men eriktiler tikken, birneshe ret qoldanýǵa bolatyn medıtsınalyq maskalardy jalǵyz ózi turatyn 82 zeınetkerdiń úıine jetkizip berdik. Ár azyq-túlik sebetiniń baǵasy 18 myń teńgeni qurady» -deıdi eriktiler aktsııasynyń uıymdastyrýshysy Janat Ǵılymova.
Aktsııa kezinde eriktiler saqtyq sharalaryna basa mán berdi. Olar ár 2 saǵat saıyn medıtsınalyq maska men arnaıy qolǵapty aýystyrdy.
«Ár zeınetkerge azyq-túlik jıyntyǵyna qosa, koronavırýstan saqtaný úshin eki tilde jazylǵan jadynamany usynýdy jón kórdik. Óıtkeni, egde jastaǵy adamdar da saqtyq sharalarynan habardar bolǵany jón. Biz olardyń úıine áleýmettik qyzmetkerlermen birge bardyq», - deıdi aktsııaǵa qatysqan eriktiniń biri Dınara Erǵalıeva.
