Atyraýlyq voleıbolshylar Mıanmadan júldeli oraldy
ATYRAÝ. QazAqparat - Mıanma elinde voleıboldan klýbtar arasyndaǵy Azııa chempıonaty ótti. Qurlyq básekesinde «Atyraý» voleıbol komandasy kúmis júldege ıe boldy, dep habarlaıdy QazAqparat tilshisi.
Áýejaıda sportshylardy oblystyq sport basqarmasynyń qyzmetkerleri men bir top sport janashyrlary saltanatty túrde kútip aldy.
«Aldymen irikteý kezeńinde ırandyq «Erdekan» komandasynan 3:1 esebimen jeńilip qaldyq. Ekinshi oıynda Japonııanyń myqty komandasy «Toraı Erroýsti» 2:3 esebimen tize búktirdik. Al, shırek fınalda Shrı-Lankalyq «Lanka Laıoes» komandasyn 3:1 esebimen jeńsek, jartylaı fınalda pákistandyq «Vapda» komandasyn 2:3 esebimen uttyq. Ókinishke qaraı, fınalda tájirıbeli ári myqty Irannyń «Hatam Ardakan» komandasyna ese jiberip, kúmis júldeni qanaǵat tuttyq», - deıdi sportshylar.
Aıta ketý kerek, atyraýlyq komanda oıynshylary Roman Handrolın «Eń úzdik pas berýshi» jáne Aıbat Neıtallın «Eń úzdik oıynshy» nomınatsııalary boıynsha jeńimpaz atandy.
