Atyraýlyq voleıbolshy jigitter Ulttyq lıgadaǵy el chempıonatynda kósh bastap keledi
ALMATY. 11 jeltoqsan. QazAqparat - Pavlodarda voleıboldan Ulttyq lıgadaǵy erler komandalary arasynda ótip jatqan HHІ Qazaqstan chempıonatynyń 2-shi týrynda alǵashqy úsh kezdesýdiń qorytyndysy boıynsha atyraýlyqtar týrnır kestesinde kósh bastaýda.
Olar qyzyljarlyqtar («Esil») men pavlodarlyqtardy 3:1, oraldyqtardy («Kondensat») 3:2 esebimen utyp, toǵyz oıynnan 22 upaı jınady. Olardan bir oıyn kem almatylyqtar 18 upaımen ekinshi orynda tur. Almatylyqtardan bir oıyny artyq oraldyqtar men pavlodarlyqtar 15 upaımen 3-4 oryndy bólisýde. Bir oıyny kem «TNK Qahzhrom» (Hromtaý) 12 upaımen - besinshi, «Esil» (6 upaı) altynshy orynda, al toǵyz oıynda qorjynyna 2 upaı ǵana salǵan «Shyǵys-QorǵasynQurylys» (Óskemen) kósh sońynda keledi.
Ótken senbide bastalǵan bul saıys 15 jeltoqsan kúni aıaqtalady. Búgin «TNK Qazhrom» men «Shyǵys-QorǵasynQurylys», «Almaty» men «Atyraý», «Pavlodar» men «Esil» komandalary ózara kúsh synaspaq.
