Atyraýlyq voleıbolshy jigitter Ulttyq lıgada kósh bastap keledi
ALMATY. 14 jeltoqsan. QazAqparat - Pavlodarda voleıboldan Ulttyq lıgadaǵy erler komandalary arasynda HHІ Qazaqstan chempıonatynyń 2-shi týry ótip jatyr.
8 jeltoqsanda bastalǵan bul baıraqty básekeniń aqtyq oıyndary erteń ótedi. Qazir týrnır kestesinde 11 kezdesýdiń nátıjesi boıynsha «Atyraý» 24 upaımen - birinshi, «Pavlodar» 19 upaımen úshinshi orynda tur. Al olardan bir oıyny kem «Almaty» 23 upaımen - ekinshi, «Kondensat» (Oral) 17 upaımen - tórtinshi, «TNK Qazhrom» (Hromtaý) 14 upaımen - besinshi, «Esil» (Qyzyljar) 7 upaımen - altynshy, «Shyǵys-QorǵasynQurylys» (Óskemen) 4 upaımen jetinshi orynda kele jatyr.
Búgin endi óskemendikter men atyraýlyqtar, hromtaýlyqtar men qyzyljarlyqtar, almatylyqtar men oraldyqtar ózara kezdesýde. Erteń Qyzyljar men Óskemen, Oral men Hromtaý, Pavlodar men Almaty voleıbolshylary aqtyq oıyndaryn ótkizedi. Bul saıysta almatylyqtar kóshbasshylyq tizgindi qaıta óz qolyna alýyna múmkindigi mol.
