Atyraýlyq voleıbolshy jigitter barlyq qarsylastaryn oısyrata utty
ALMATY. 30 qarasha. QazAqparat - Tarazda 23-29 qarasha kúnderi voleıboldan Joǵary lıganyń «B» dıvızıonyndaǵy erler komandalary arasynda Qazaqstan chempıonatynyń 1-shi týr oıyndary boldy.
Aqtyq synǵa deıin márege alań qojaıyndarymen («Taraz-TarMÝ») qatar kelgen «Atyraý-2» komandasy keshe sheshýshi synda 3:1 esebimen basym túsip, týrnır kestesinde 21 upaımen birinshi oryn aldy. Olardan 2 upaıy kem tarazdyqtar ekinshi oryndy qanaǵat tutty. Odan keıingi oryndardy 15 upaımen «Munaıshy» (Aqtaý), 12 upaımen «TNK Qazhrom-2» (Hromtaý), 6 upaımen «Qostanaı», 5 upaımen «Astana-Ulan», 4 upaımen «Qorqyt Ata-QMÝ» (Qyzylorda), 3 upaımen «Shyǵys QorǵasynQurylys-3» (Óskemen) ózara bólisti. Kósh basyndaǵy eki komanda qarsylastaryna 2 partııada ǵana ese jiberse, aqtaýlyqtar - 8, hromtaýlyqtar - 9, qostanaılyqtar men astanalyqtar - 17, qyzylordalyqtar men óskemendikter - 19 partııada jeńilistiń aşy dámin tatty.
