Atyraýlyq turǵynnyń úıinen 106 kıik múıizi tárkilendi
ATYRAÝ. QazAqparat –Atyraý oblysynda 34 jastaǵy turǵynnyń úıinen 106 kıik múıizi, zańsyz saqtalǵan eki myltyq tárkilendi, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetine súıensek, Qurmanǵazy aýdanyndaǵy Balqudyq aýylynyń 34 jastaǵy turǵyny óz úıinde 106 kıik múıizi men 2
tirkelmegen tegis uńǵyly 2 ańshylyq qarýdy zańsyz saqtaǵan.
«Tekserý kezinde polıtseıler aýyl turǵyny túngi mezgilinde «Yaqi» motokóligimen tyıym
salynǵan kıikti ańshylyq qarýymen atyp, múıizderin zańsyz ıemdeneni anyqtaldy.
Sondaı-aq, Balqudyq aýylynyń mańynan múıizderi kesilgen kúıdegi kıik janýarynyń tórt óleksesi tabyldy», dep habarlady departamenttiń baspasóz qyzmetinen.
Qazir atalǵan derekke qatysty QR Qylmystyq Kodeksiniń 339-baby 3-bóligimen (Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) sotqa deıingi tergeý júrgizilýde.
Eske sala ketelik, budan buryn Atyraý oblysynda mototsıklmen kıik qýǵan turǵyn ustalǵan bolatyn.
