Atyraýlyq turǵyn birneshe atys qarýyn garajda zańsyz saqtaǵan
Oblystyq polıtsııa departamentiniń baspasóz qyzmetinen málim etkendeı, 24 jastaǵy Atyraý turǵyny 6 qarashada ustalǵan.
«Oblystyq polıtsııa departamentiniń uıymdasqan qylmysqa qarsy kúres basqarmasy men Ulttyq qaýipsizdik komıtetiniń Atyraý oblysy boıynsha departamentiniń qyzmetkerleri birlesken is-shara ótkizip, birneshe atys qarýyn zańsyz saqtaǵan Atyraý qalasynyń turǵynyn anyqtady. Er adamnyń garajyn tintý kezinde 2 dana qosaýyzdy, 1 dana biraýyzdy ańshy myltyǵynyń bólikteri, 2 dana atys qarýy, rezeńke taıaqsha, tapanshanyń bólshekteri men elektrli shoker tabylyp, tárkilenip alyndy. Qazirgi ýaqytta qarý-jaraq quraldaryn zańsyz saqtaǵan 1998 jylǵy kúdikti ustaldy. Tárkilengen atys qarýlaryna ballıstıkalyq zertteý júrgizý úshin saraptama taǵaıyndaldy», -dep habarlady departamenttiń baspasóz qyzmeti.
Uıymdasqan qylmysqa qarsy kúres basqarmasynyń qyzmetkerleri údiktige qatysty derek boıynsha QR Qylmystyq kodeksiniń 287-babynyń 2-bóligi boıynsha sotqa deıingi tergeý bastaldy.
Eske sala ketelik, buǵan deıin Atyraýda brakonerlerden bekire men esirtki tárkilengenin habarlaǵan bolatynbyz.