Atyraýlyq turǵyn 1896 jyly shyǵarylǵan nemis qarýyn tapsyrdy

ATYRAÝ. QazAqparat - Atyraýlyq turǵyn aktsııa barysynda 1896 jyly shyǵarylǵan nemistiń atys qarýyn tapsyrdy, dep habarlaıdy QazAqparat.

Atyraý qalasynyń polıtsııa basqarmasy ákimshilik polıtsııa bólimine 1988 jyly týǵan azamat 1896 jylǵy Mauser C96 nemis tapanshasyn tapsyrǵan.

Mauser C96 - 1896 jyly Germanııada jasalynǵan ózdiginen oqtalatyn tapansha. Birinshi jáne Ekinshi dúnıejúzilik soǵys kezinde paıdalanylǵan atys qarý retinde tarıhta qalǵan.

«Mauser C96 tapanshasyn tapsyrǵan azamat bul qarýdy bir jyl buryn Isataı aýdanynda mal baǵyp júrgende qum arasynan taýyp alǵan. Qazirgi tańda qarýdy tapsyrǵan azamatqa memleket tarapynan 100 AEK kóleminde syıaqy berildi»,- deıdi Atyraý qalasynyń PB ákimshilik polıtsııa bóliminiń azamattyq qyzmet qarý aınalymy baqylaý tobynyń aǵa ınspektory Renat Sısenov.