Atyraýlyq sýrdodzıýdoshy Azııa chempıony atandy
Atyraý oblystyq dene shynyqtyrý jáne sport basqarmasy baspasóz qyzmetiniń aqparatyna súıensek, sýrdodzıýdodan Azııa chempıonaty 5-6 naýryzda ótken.
«Qyrǵyzstan astanasy – Bishkek qalasynda sýrdodzıýdodan jalaýy jelbiregen Azııa chempıonatyna qazaqstandyq sportshylar da qatysty. Bul dodada atyraýlyq sýrdodzıýdoshy Ersin Bolatov 60 keli salmaqta baq synady. Qarsylastarynyń bárin qapy qaldyrǵan ol Azııa chempıony atandy», -dep habarlady basqarmanyń baspasóz qyzmeti.
Atyraýlyq sýrdodzıýdoshy irikteý kezeńinde óz tobyndaǵy mońǵol, koreı sportshylaryn jeńgen. Al, aqtyq synda japondyq palýandy 8 sekýndta ıppon ádisimen utqan.
Azııa chempıony atanǵan sýrdodzıýdoshy Qyzylqoǵa aýdanynyń ortalyǵy – Mııaly aýylynda turady. Egizdiń syńary sportpen bala kúninen aınalysqan. Osy aýdandaǵy Mııaly aýylyndaǵy balalar-jasóspirimder sport mektebiniń túlegi.
Eske sala ketelik, budan buryn atyraýlyq paradzıýdoshy Amanjol Janbota Gran Prı saıysynyń jeńimpazy atanǵanyn jazǵan bolatynbyz.
Túrkııada ótken paradzıýdodan Gran Prı saıysynda J2 sanatynda 90 keli salmaqta atyraýlyq Amanjol Janbota jeńimpazy atandy. Ol aqtyq synda taǵy bir atyraýlyq sportshy Ǵalymjan Smaǵululyn utty.
Keıin taǵy bir atyraýlyq paradzıýdoshy halyqaralyq týrnırde «altyn» alǵanyn habarlaǵan edik.
«TOKYO OPEN» halyqaralyq týrnırinde J1 sanaty boıynsha +90 keli salmaqta Erlan Ótepov altyn medalǵa ıe bolǵan. Al Tokıo paralımpıadasynyń kúmis júldegeri 60 keli salmaqtaǵy Ánýar Sarıev J2 sanatynda qol júldeni ıelengen edi.