Atyraýlyq stýdentter aýrýhanalar men arheologııalyq qazbalarǵa qolǵabys jasaıdy
ATYRAÝ. QazAqparat - Atyraýda 30 jumys berýshi mekeme «Jasyl el» eńbek otrıadtaryna jumys usynyp otyr, dep habarlaıdy QazAqparat tilshisi.
«Aldaǵy jazda «Jasyl el» jastar eńbek otrıadtarynyń qataryna 2 myńǵa jýyq jas atyraýlyq qabyldanady. Olardy eńbekpen qamtıtyn jumys berýshiler tizimi jasalǵan. Jastar tórt baǵytta jumys isteıdi. Jazda jastardyń eńbek otrıadtary kógaldandyrý men sanıtarlyq tazartýmen aınalysady, áleýmettik mekemelerde, aýrýhanalarda eńbek etip, arheologııalyq qazba jumystaryna atsalysady. Qazirgi ýaqytta 30 jumys berýshi belgilendi. Jastardyń eńbek otrıadtary qataryna tek qana stýdentter ǵana emes, jumyssyz jastar da tartylady», - dedi oblystyq jastar isi jónindegi basqarmanyń basshysy Jasulan Bısembıev.
