Atyraýlyq sportshylar halyqaralyq týrnırde 1 altyn, 2 qola enshiledi

ATYRAÝ. QazAqparat - Antalııa qalasynda kıkboksıngten erler arasyndaǵy IV Halyqaralyq «Turkish Open» týrnıri ótti, dep habarlaıdy QazAqparat.

Túrkııa elindegi bul týrnır Eýropa kýbogy retinde uıymdastyrylyp keledi. Bıylǵy básekede 30-dan astam eldiń sportshylary ózara myqtyny anyqtady.

Jattyqtyrýshy Danııar ıÝsýpov bastaǵan Atyraý oblysy quramasy jaqsy nátıje kórsetti. Sálimjan Sálimgereev altyn, Jandos Nazarbekov pen Janáli Sálimgereev kúmis júldege ıe boldy.

«Túrkııadaǵy halyqaralyq týrnırde 2000-ǵa jýyq qatysýshy baq synady. Munyń ózi jarystyń joǵary deńgeıin kórsetedi. 5 kezdesý ótkizip, barlyǵynda da jeńiske jettim. Onyń úsheýin ýaqytynan buryn aıaqtadym. Túrkııadaǵy bul alǵashqy jarysym. Sol sebepti de barymdy saldym. Bul elde kıkboksıng sportyna aıryqsha kóńil bólinedi», - deıdi birneshe dúrkin Qazaqstan chempıony Sálimjan Sálimgereev.