Atyraýlyq sportshy sambodan Azııa chempıony atandy
Atyraý oblystyq dene shynyqtyrý jáne sport basqarmasy baspasóz qyzmetiniń málimetine súıensek, samboshy Aıdynbaı Qaıyrberdi Azııa chempıonatynyń jeńimpazy atandy.
«Lıvan eliniń Djýnııa qalasynda sporttyń sambo túrinen Azııa chempıonaty 2-4 maýsym kúnderi ótti. Chempıonatqa qurlyqtaǵy 16 elden 260 sportshy qatysyp, eresekter, jastar jáne jasóspirimder arasyndaǵy eń myqtyny anyqtaý úshin baq synady. El namysyn erler tobynda qorǵaǵan sportshylardyń qatarynda Aıdynbaı Qaıyrberdi de bar. Ol 58 keli salmaqta tartysqa toly kezdesýlerdi sátti ótkizip, qarsylastarynyń bárinen basymdyǵyn tanytty. Sóıtip, Azııa chempıonatynyń jeńimpazy atandy», -dep habarlady basqarmanyń baspasóz qyzmeti.
Al, qyzdar arasynda Arýjan Jandarbaı kúmis júldeni enshiledi. Ol jasóspirimder tobynda 72 kelide synǵa túsken edi.
Bul chemptonatta taǵy bir sportshynyń baǵy janyp, júldegerler qatarynan kórindi. Ol –jasóspirimder arasynda 53 kelide beldesken Ańsaǵan Qazbek. Endi onyń enshisinde Azııa chempıonatynyń qola júldesi bar.
«Aıdynbaı Qaıyrberdi – buǵan deıin de birneshe saıysta baq synap, tájirıbe jınaǵan sportshy. Ol 2019 jyly Úndistan eliniń astanasy – Delı qalasynda jalaýy jelbiregen Azııa chempıonatyna qatysqan. Sol dodada óz salmaǵyndaǵy qarsylastaryn qapy qaldyryp, Azııa chempıony atanǵan edi», -dep málim etti basqarmanyń baspasóz qyzmetinen.
Eske sala ketelik, buǵan deıin armrestlıngten Atyraý ardagerleri Azııa chempıony atanǵanyn https://kaz.inform.kz/news/armrestlingten-atyrau-ardagerleri-aziya-chempiony-atandy_a3927709 habarlaǵan bolatynbyz.
