Atyraýlyq sportshy óz qarjysyna sport keshenin salyp berdi
ATYRAÝ. QazAqparat - Atyraýda janynda jataqhanasy bar sport kesheni ashyldy. Jańa ǵımaratty sport sheber Aıbar Esenǵalıev óz qarajatyn salyp turǵyzǵan, dep habarlaıdy «QazAqparat» HAA tilshisi.
«Samal shaǵynaýdanyndaǵy sport kesheniniń qurylysy 2015 jyldyń kókteminde bastalǵan bolatyn. 35 adamǵa arnalǵan jattyǵý zaly jumys istep tur. Ǵımarattyń óz ashanasy, jýyný bólmeleri jáne daıyndyq alańdary bar. Sonymen qatar, sportshylarǵa arnalǵan shaǵyn jataqhana da qarastyrylǵan. Qazir barlyq jumys óz máresine jetti. Sport kesheni el ishinen jańa esimderdi shyǵarýǵa kómektesse, balalardyń myqty bolyp ósýine septigin tıgizse degen oıym bar»,-deıdi Aıbar Esenǵalıev.
Sport keshenine QR eńbek sińirgen jattyqtyrýshysy Málik Súleımenovtiń esimi berildi. Bul jerge kelip kez kelgen adam sportpen aınalysa alady. Joba «Týǵan jer» baǵdarlamasynyń aıasynda júzege asyrylǵanyn aıta keteıik.
Atyraýda ótken jyly barlyǵy 35 sport nysany paıdalanýǵa berildi.
