Atyraýlyq sportshy mýaı-taıdan álem chempıony atandy
ATYRAÝ. QazAqparat – Atyraýlyq sportshy mýaı-taıdan álem chempıony atandy, dephabarlaıdy QazAqparat.
Oblystyq sport basqarmasy baspasóz qyzmetiniń aqparatyna súıensek, 3-12 jeltoqsanda Taıland elinde mýaı-taıdan álem chempıonaty ótken.
«Álem chempıonatyna 95 elden 925 sportshy qatysty. Qazaqstan ulttyq quramasynyń
sapynda atyraýlyq 4 sportshy baq synap, 1 altyn,1 qola júldege ıe boldy. Jastar
arasynda Arsen Bısembaı alǵashqy kezdesýinde Belarýs Respýblıkasynyń sportshysyn
tize búktirdi. Al, aqtyq synda taılandtyq qarsylasyn tóreshiler esebimen utyp, alǵash
ret álem chempıonatynyń altyn medalin jeńip aldy. Sondaı-aq, 2019 jylǵy Azııa chempıony, halyqaralyq dárejedegi sport sheberi Ábil Ǵalıev Ózbekstan, Indııa jáne Aýǵanstan sportshylaryn ýaqytynan buryn utty. Jartylaı aqtyq saıysta 2018 jáne
2019 jyldary álem chempıony atanǵan ýkraınalyq Igor Lıýbchenkomen kezdesti.
Tóreshilerdiń sheshimimen atyraýlyq sportshy álem chempıonatynyń qola júldesin
ıelendi», -dep habarlady basqarmanyń baspasóz qyzmeti.
Eske sala ketelik, buǵan deıin atyraýlyq qol kúresiniń sheberleri álem chempıonatynyń
júldegeri atanǵanyn jazǵan bolatynbyz.
