Atyraýlyq sportshy kıkboksıngten álem kýbogynyń jeńimpazy atandy
«Túrkııanyń Stambýl qalasynda ótken kıkboksıngten jastar men jasóspirimder arasyndaǵy álem kýbogyna 42 elden 2 807 sportshy qatysty. Dodada sportshylar kıkboksıngtiń birneshe túrinen baq synady. Qazaqstan namysyn qorǵaǵan qurama sapyndaǵy atyraýlyq sportshylar 1 altyn, 2 kúmis, 2 qola medaldi jeńip aldy», - dep málim etti Atyraý oblystyq dene shynyqtyrý jáne sport basqarmasynyń baspasóz qyzmetinen.
Máselen, jastar arasynda Sanjar Meıramǵalı qarsylastarynyń bárin qapy qaldyryp, álem kýbogynyń jeńimpazy atanǵan. Al, Aıbek Shambolov pen Asyljan Jetkenshek Asyljan kúmis júldeni ıelendi. Sondaı-aq, eresekter arasynda Islamsanjar Tóleýǵalı Gúlbaný Samatova qola medalǵa ıe boldy.
Eske sala ketelik, budan buryn atyraýlyq sportshy pankratıonnan álemniń eki dúrkin chempıony atanǵanyn jazǵan bolatynbyz. Tashkent qalasynda pankratıonnan eresekter arasyndaǵy álem chempıonatynda Ádilbek Qaıyrǵalı ekinshi ret álem chempıony atandy. Ol 2019 jyly Italııada ótken osyndaı chempıonattyń altyn medalin ıelengen. Al, 2021 jyly Ýkraınada jalaýy jelbiregen osyndaı dodada qola medalǵa ıe bolǵan.
Sondaı-aq, taǵy bir sportshy mýaıtaıdan álem chempıonatynda kúmis júldeger bolǵanyn jazǵan edik. Taılandtyń Bangkok qalasynda ótken álem chempıonatynda atyraýlyq mýaıtaıshy Ábil Ǵalıev irikteý kezeńinde Ózbekstan, Izraıl, Italııa elderiniń sportshylaryn utqan. Aqtyq synda Túrkııa Respýblıkasynyń sportshysyna ese jiberip, kúmis medal ıelendi.
Foto: Atyraý oblystyq dene shynyqtyrý jáne sport basqarmasy
