Atyraýlyq sportshy Jaýynger chempıondyq belbeýiniń ıegeri boldy

25-28 qyrkúıek aralyǵynda Atyraýda «Qazaqstan Jastar Fest» atty sporttyq festıval ótýde. Tórt kúndik festıvaldiń eń mańyzdy oqıǵasy - aralas jekpe-jek boıynsha «Gorilla Fighting Champioship 17» álemdik týrnıri boldy.

Habıb jáne Abdýlmanap Nýrmagomedov, Islam Mahachev, Zabaıra Týhýgov, olımpıada chempıondary Roman Vlasov, Tagır Haıbýllaev jáne belgili qazaqstandyq sportshylar Maksım Rakov, Sergeı Morozov, Damır Ismagýlov, Shavhat Rahmonov sharaǵa qurmetti qonaq retinde qatysty.

Sharada Atyraý oblysynyń ákimi Nurlan Noǵaev quttyqtap, sóz sóıledi.

«Jastar arasynda sportty nasıhattaýda bundaı sharalardyń mańyzy zor. Segiz elden eń myqty, úzdik sportshylar qatysyp otyr. Sportshylarmyz el namysyn laıyqty qorǵap júr. Jarysta kim myqty – sol jeńedi. Al, óńirdiń turǵyndary men qonaqtary qyzyqty da tartysty oıyndardyń kýási bolyp otyr. Sizderdiń jetistikterińiz jastardy sportpen shuǵyldanýǵa yntalandyrady», - dedi óńir basshysy.

Týrnırdiń qorytyndysymen Atyraýdyń 5 ókili qarsylastarynan basym tústi. Kórermender barlyǵy 10 jekpe-jekti tamashalady, sonyń ishinde 3-ýi mýaı-taı boıynsha. Bul jekpe-jekterdiń reıtıngisi neǵurlym joǵary boldy, sebebi sportshylar Jaýynger promoýsheni boıynsha úsh chempıondyq belbeýge talasty.

Aıta keteıik, Jaýynger-diń negizin Qazaqstannyń jaýyngerlik óner qaýymdastyǵy qalaǵan bolatyn.

Festıval Isataı jáne Mahambet alańyndaǵy kontsertpen aıaqtalady. Shara barysynda turǵyndar men óńirdiń qonaqtary ulttyq oıyndarǵa qatysty.