Atyraýlyq sportshy gir kóterýden álem chempıony atandy
Oblystyq Dene shynyqtyrý jáne sport basqarmasynyń baspasóz qyzmetinen málim etkendeı, Úndistan eliniń Nıý-Delı qalasynda gir kóterý sportynan álem chempıonaty ótip jatyr. Chempıonatqa álemniń 13 elinen 234 atlet qatysýda.
Álem chempıonatynda Qazaqstan quramasynyń sapynda óner kórsetetin atyraýlyq úsh sportshy bar. Máselen, jarystyń alǵashqy kúninde Rıshat Ǵalıahmetov 65 salmaqta el namysyn qorǵap, álem chempıony atandy.
«Álem chempıonatyna el namysyn qorǵaýǵa Atyraý oblysynan úsh sportshymyz qatysyp jatyr. Jarystyń alǵashqy kúninde 95 kelide Rıshat Galıahmetov álem chempıony atanyp otyr. Endi eki sportshymyz Dosqalı Dosqalıev 90 kelide, Alpamys Aıtmuhanov 73 keli salmaqta baq synaıtyn bolady», - deıdi aǵa jattyqtyrýshy Sergeı Grıdchın.
Onyń aıtýynsha, atalǵan sportshylar gir kóterýmen biraz jyldan beri aınalysady. Al álem chempıony Rıshat Ǵalıahmetov sporttyń atalǵan túrin serik etkenine 10 jyl bolǵan. Ol sondaı-aq bıyl Aqmola oblysyndaǵy Şýchınsk qalasynda ótken Azııa chempıonatynda altyn júldeni ıelengen.
Eske sala ketelik, budan buryn atyraýlyq jasóspirim shahmatshy Zarına Nurǵalıeva álem chempıony atanǵanyn habarlaǵan bolatynbyz.