Atyraýlyq sportshy aýrýhanaǵa alǵashqy ottegi kontsentratoryn alyp berdi
ATYRAÝ. QazAqparat –Atyraý oblysynyń Isataı aýdanyndaǵy «Barys» balalar-jasóspirimderdiń dene shynyqtyrý klýbynyń dırektory Ashat Jumabekov aýdandyq aýrýhanaǵa ottegi kontsentratoryn syıǵa tartty, dep habarlaıdy QazAqparat.
Ashat Jumabekov ottegi kontsentratoryn Almatydan arnaıy aldyrǵan. Baǵasy –550 myń teńge.
«Qazirgideı qıyn kezde dárigerler naýqastardy emdeýde migirsiz eńbek etýde. Meniń ata-anam da osy salada uzaq jyl eńbek etkendikten, dárigerlerdiń tynymsyz jumysynyń aýyrlyǵyn jaqsy bilemin. Alaıda, dárigerlerge de keıde múmkindigi bar azamattardyń qoldaýy qajet-aq», - deıdi Ashat Jumabek.
Aýdandyq aýrýhananyń dárigeri Serjan Sándibaevtyń aıtýynsha, ottegi kontsentratory –qazirgi kezde eń qajetti qurylǵy.
«Bul –bizdiń aýrýhanadaǵy alǵashqy qurylǵy. Úzdiksiz ottegi bólip turatyndyqtan, oǵan aýa toltyrýdyń qajeti joq. Osy kezge deıin bizde mundaı qurylǵynyń joqtyǵynan, naýqastar arnaıy ottegi ballondary arqyly tynys alýshy edi. Al, mundaı ballondardy sanaýly saǵattan soń aýystyryp turý kerek. Osyndaı ottegi kontsentratorynyń joqtyǵy janymyzǵa batatyn», -deıdi dáriger Serjan Sándibaev.
Eske sala ketelik, buǵan deıin Atyraý kásipkerleri aýrýhanaǵa 3,2 myń dana dári alyp bergen edi.
