Atyraýlyq sportshy álem chempıony atandy
ATYRAÝ.QazAqparat- Reseıdiń Sankt-Peterbýrg qalasynda qoıan-qoltyq urystan ótken álem chempıonatynda 60 kg salmaqta el namysyn qorǵaǵan atyraýlyq sportshy Ulan Muqashev chempıon atandy, dep habarlaıdy QazAqparat tilshisi.
Jerlesimiz álem chempıony ataǵy úshin 5 kezdesý ótkizdi. Іrikteý kezeńderinde Ózbekstan, Reseı jáne Moldova sportshylaryn aıqyn basymdyqpen utty. Jartylaı fınalda Belarýs sportshysynan basym tústi. Al aqtyq saıysta eki jyl burynǵy álem chempıony, reseılik sportshyny tize búktirdi.
Oblys aǵa jattyqtyrýshysy Haıdar Esenǵalıevtiń aıtýynsha, bul Ulan Muqashev qatysyp otyrǵan tórtinshi álem chempıonaty.
«Osydan eki jyl buryn Ulan álem chempıonatynyń aqtyq synynda Reseı sportshysy Dmıtrıı Kazıgashevten utylyp, kúmis júldeni qanaǵat tutqan bolatyn. Bul joly ketken eseni qaıtaryp, sol sportshyny aqtyq synda utty», - deıdi aǵa jattyqtyrýshy.
