Atyraýlyq sheneýnikter Joldaýdyń 10 baǵyty boıynsha naqty tapsyrmalar aldy
Óńir basshysy Nurlan Noǵaev otyrysta Memleket basshysynyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýynda qoıylǵan mindetterdi júzege asyrý boıynsha jaýapty tulǵalarǵa naqty tapsyrmalar berdi, dep habarlaıdy QazAqparat óńirlik kommýnıkatsııalar qyzmetine silteme jasap.
Oblys ákimi májilis qatysýshylaryn aımaqtyń áleýmettik-ekonomıkalyq damý kórsetkishteri týraly habardar etti.
2017 jyldyń qorytyndysy kórsetkish 2016 jylmen salystyrǵanda 20,8%-ke ósken. Birinshi jartyjyldyqta óńdeýshi ónerkásiptegi eńbek ónimdiligi 33,8 mln AQSh dollaryn qurady, bul 2016 jylmen salystyrǵanda 141,7 %-ke artyq. Sondaı-aq, 2017 jyly óńirde jalpy quny 5 mlrd dollardyń 5 jobasy iske qosylyp, 344 jańa jumys orny qurylǵan.
"Aımaqtaǵy basty mindet - ónerkásiptik revolıýtsııa aıasynda ınnovatsııalyq tehnologııalar tartý. Eksporttyq ónim shyǵaratyn mekemelerdi qaıta jańǵyrtýǵa jáne tsıfrlandyrýǵa baǵyttalǵan jańa quraldardy daıarlaý jáne testileý. Óńirdiń resýrstyq áleýetin damytý da aldaǵy mindetterdiń qatarynda. Qatty turmystyq qaldyqtardy jınaý men saqtaýǵa qatysty máseleni de sheshý kózdelgen. Qazirgi ýaqytta on polıgon qurylysynyń jobalyq-smetalyq qujattamasy memlekettik saraptamadan ótýde. Qurylys 2019 jylǵa josparlanyp otyr", - dedi N. Noǵaev.
Oblys ákiminiń birinshi orynbasary S.Luqpanov pen Atyraý qalasynyń, aýdandardyń ákimderine birqatar máselelerdi baqylaýǵa alý júkteldi. Olar: ındýstrııalaý kartasy aıasyndaǵy jobalardy júzege asyrý, jobalarda bıznes úlesin kóterý jáne tabıǵatty qorǵaý sharalaryn oryndaý.
Úshinshi baǵyt boıynsha basty mindet aldaǵy bes jylda AÓK ónimdiligin 2,5 esege kóbeıtý bolyp otyr. Bul balyq ónimin óńdeý sapasyn arttyrý, tamshylatyp sýarý ádisimen egis alańyn kóbeıtý, asyl tuqymdy mal sharýashylyǵyn damytý, AÓK qoldaý quraldaryn qurýmen baılanysty bolmaq.
Tórtinshi baǵyt boıynsha ákim orynbasary J.Súıinshalıevke, Atyraý qalasy men aýdandardyń ákimderine bıyl oblys aýdandarynda jol ınfraqurylymyn qurý jumystaryn jalǵastyrý tapsyryldy.
Besinshi baǵyt boıynsha ákim orynbasary J.Súıinshalıevke, Atyraý qalasy men aýdandardyń ákimderine turǵyndardy energııalyq tıimdiligi joǵary, sapaly, taza qurylys materıaldarymen qamtýdy uıymdastyrý tapsyryldy.
Altynshy baǵyt boıynsha oblys ákiminiń orynbasary A.Ájiǵalıevaǵa, qalalar men aýdan ákimderine bank portfelderin saýyqtyrý, ıpotekalyq qaryzdarǵa qatysty máselelerdi retteý, bıznesti qoljetimdi mólsherlememen uzaq merzimdi nesıemen qamtý baǵyttarynda jumystardy jetildirýdi baqylaý tapsyryldy.
Jetinshi baǵyt boıynsha oblys ákiminiń orynbasary N.Saılaýovaǵa, qala men aýdan ákimderine orta bilim berý salasyn jańǵyrtý, oqý oryndaryn tsıfrlandyrý, ásirese aýyldyq jerlerge mán berý tapsyryldy. Medıtsınada zamanaýı tehnologııalardy engizý, tıimdiligin kóterý, halyqty jumyspen qamtýdy baqylaýda ustaý da nazarda bolmaq.
Segizinshi baǵyt boıynsha oblys ákiminiń orynbasary A.Ájiǵalıevaǵa memlekettik basqarý tıimdiligin arttyrý jumystaryn júzege asyrýdy baqylaý júkteldi. Qyzmetterdi tsıfrlandyrý, vedomstvolyq baǵynyshty uıymdardy jekeshelendirý qadaǵalanady. Oblys ákiminiń orynbasary S.Luqpanovqa, qala, aýdan ákimderine týrıstik ınfraqurylymdy damytý, qyzmet kórsetý sapasy men qoljetimdiligin arttyrý tapsyryldy.
N.Noǵaev toǵyzynshy baǵyt boıynsha aımaqta biraz jumys atqarylǵanyn atap ótti. Áleýmettik jelilerde arnalar iske qosyldy, halyqpen keri baılanys ornatý maqsatynda jeke qosymshalar daıyndaldy. Onynshy baǵyt boıynsha kóshelerdi jaryqdıotty jaryqtandyrý jobasy júzege asyrylýda. Jolaýshylar kóligi men qalalyq beınebaqylaý júıesi salalarynda birneshe joba qaralyp jatyr.
Óz sózin túıindeı kele, Nurlan Noǵaev Atyraý oblysynda Memleket basshysynyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýynda qoıylǵan mindetterdi júzege asyrýdyń naqty jospary daıyn ekenin málimdedi.
